მეფე ჩარლზმა განაცხადა, რომ „კანონმა თავისი გზა უნდა განვლოს“, მას შემდეგ, რაც გამოხატა თავისი ღრმა შეშფოთება უმცროსი ძმის, ენდრიუ მაუნტბატენ-ვინძორის დაკავების გამო.მონარქის განცხადებაში ნათქვამია:
„უდიდესი შეშფოთებით შევიტყვე ახალი ამბავი ენდრიუ მაუნტბატენ-ვინძორისა და სამსახურებრივი უფლებამოსილების ბოროტად გამოყენების ეჭვის შესახებ. ის, რაც ახლა მოყვება ამას, არის სრული, სამართლიანი და ჯეროვანი პროცესი, რომლის მეშვეობითაც ეს საკითხი სათანადო წესითა და სათანადო ორგანოების მიერ იქნება გამოძიებული. ამაში, როგორც ადრეც მითქვამს, მათ აქვთ ჩვენი სრული და გულწრფელი მხარდაჭერა და თანამშრომლობა.
ნება მომეცით მკაფიოდ განვაცხადო: კანონმა თავისი გზა უნდა განვლოს.
სანამ ეს პროცესი გრძელდება, ჩემი მხრიდან არასწორი იქნება ამ საკითხზე დამატებითი კომენტარის გაკეთება. მანამდე კი, მე და ჩემი ოჯახი კვლავაც განვაგრძობთ თქვენს სამსახურსა და მოვალეობის შესრულებას.“
ამ განცხადებით მეფემ კიდევ ერთხელ ხაზი გაუსვა, რომ სამეფო ოჯახი არ აპირებს ენდრიუს დაცვას და პოლიციას მოქმედების სრულ თავისუფლებას აძლევს.