ვატიკანი ტრამპის „მშვიდობის საბჭოში“ მონაწილეობაზე უარს ამბობს. ამის შესახებ „როიტერი” წერს.
კარდინალმა პიეტრო პაროლინმა განაცხადა, რომ ვატიკანი არ მიიღებს მონაწილეობას აშშ-ის პრეზიდენტის, დონალდ ტრამპის „მშვიდობის საბჭოში“.
ამასთან, პაროლინმა აღნიშნა, რომ კრიზისული სიტუაციების მართვა გაერო-ს კომპეტენციაში უნდა იყოს.
„ერთ-ერთი, რის გამოც შეშფოთებული ვართ, ის არის, რომ საერთაშორისო დონეზე სწორედ გაერო უნდა მართავდეს ასეთ კრიზისულ სიტუაციებს. ეს ერთ-ერთი პუნქტია, რასაც დაჟინებით ვითხოვდით”, – განაცხადა პაროლინმა.
იტალიამ და ევროკავშირმა განაცხადეს, რომ მათი წარმომადგენლები გეგმავენ 19 თებერვალს ვაშინგტონში დაგეგმილ სხდომას დამკვირვებლების სტატუსით დაესწრონ.