აშშ-ის პრეზიდენტმა, დონალდ ტრამპმა იაპონიის პრემიერ-მინისტრს, სანაე ტაკაიჩის არჩევნებში გამარჯვება მიულოცა.
ამის შესახებ დონალდ ტრამპი სოციალურ ქსელში წერს.
„ის უაღრესად პატივცემული და ძალიან პოპულარული ლიდერია. სანაეს თამამმა და ბრძნულმა გადაწყვეტილებამ არჩევნების დანიშვნის შესახებ დიდი შედეგი გამოიღო“, – წერს ტრამპი.
მისი თქმით, პატივი იყო ტაკაიჩისა და მისი კოალიციის მხარდაჭერა, „ხოლო ხალხს, რომელმაც ასეთი ენთუზიაზმით მისცა ხმა“, ყოველთვის ექნება ტრამპის მტკიცე მხარდაჭერა.
იაპონიის ვადამდელ საპარლამენტო არჩევნებში პრემიერ-მინისტრ სანაე ტაკაიჩის ლიბერალურ-დემოკრატიულმა პარტიამ გაიმარჯვა. ტაკაიჩის პარტიამ 465 წევრიან ქვედა პალატაში 352 ადგილის მოპოვება შეძლო, რითიც ლიბერალურ-დემოკრატიულმა პარტიამ უმრავლესობა მოიპოვა.