სატელეფონო საუბარი შედგა რუსეთის ფედერაციის პრეზიდენტ ვლადიმერ პუტინსა და უკრაინის პრეზიდენტ პეტრო პოროშენკოს შორის. პუტინის პრესმდივანის დიმიტრი პესკოვის განცხადებით, პრეზიდენტებმა უკრაინის სამხრეთ-აღმოსავლეთში მიმდინარე კონფლიქტის დარეგულირების საკითხი განიხილეს.
ორმა ლიდერმა უკრაინელი მფრინავის ნადეჟდა სავჩენკოსა და უკრაინაში დაკავებული რუსეთის 2 მოქალაქის შესახებ ისაუბრა.
პრეზიდენტები შეთანხმდნენ, რომ როსტოვში უკრაინის გენერალურ კონსულს სავჩენკოს მონახულების საშუალება მიეცემა.
პოროშენკომ პუტინს სავჩენკოსთან ჯანმრთელობის მდგომარეობის გაუარესების გამო უკრაინელი ექიმის დაუყოვნებლივ შეშვება მოსთხოვა.
შეგახსენებთ, რომ 6 აპრილს უკრაინელმა მფრინავმა, ნადეჟდა სავჩენკომ მშრალი შიმშილობა გამოაცხადა.