,,პირველ რიგში, მადლობა პრეზიდენტს, სალომე ზურაბიშვილს. ბრძოლა გრძელდება, აქციებზე შევხვდებით”,- თქვა მარტის აქციების შემდეგ დაკავებულმა აქტივისტმა ლაზარე გრიგორიადისმა ციხის დატოვების შემდეგ.
შეგახსენებთ, რომ 12 აპრილს, თბილისის საქალაქო სასამართლომ ლაზარე გრიგორიადისი მარტის აქციების საქმეზე დამნაშავედ ცნო და 9 წლით თავისუფლების აღკვეთა მიუსაჯა. გადაწყვეტილება მოსამართლე ზვიად შარაძემ გამოაცხადა.
TV პირველთან ინტერვიუს დროს პრეზიდენტმა სალომე ზურაბიშვილმა განაცხადა, რომ ლაზარეს შეწყალების გადაწყვეტილება განაჩენის გამოცხადების დღეს, დილის 10:00 საათზე მიიღო.