უელსის პრინცესა გამოჩნდა! ქეით მიდლტონის თქმით, იანვარში აბდომინალური ოპერაციის შემდეგ ჩატარებულმა ტესტებმა აჩვენა, რომ მის ორგანიზმში სიმსივნე იყო. ამიტომ ექიმების რჩევით, უელსის პრინცესას ქიმიოთერაპიის პროფილაქტიკური კურსი ჩაუტარდა.
სწორედ ეს იყო მიზეზი, რატომაც არ ჩნდებოდა ბოლო პერიოდში ქეით მიდლტონი საჯაროდ. მის „გაუჩინარებას“ არაერთი სპეკულაციური თეორიით ხსნიდნენ.
დაავადების დეტალები უცნობია, თუმცა როგორც კენსინგტონის სასახლის ოფიციალურ განცხადებაშია აღნიშნული, დარწმუნებული არიან, რომ პრინცესა სრულად გამოჯანმრთელდება.
