„რიყე-ნარიყალას“ საბაგირო გზის მუშაობა დროებით შეიზღუდება – ამ განცხადებას თბილისის სატრანსპორტო კომპანია ავრცელებს.
“რიყე-ნარიყალას“ საბაგირო გზის მიერ ნამუშევარი საათების რაოდენობის გათვალისწინებით, სავალდებულოა გარკვეული ტექნოლოგიური პროცესებისა და გეგმიურ-გამაფრთხილებელი სამუშაოების ჩატარება, რაც საბაგირო გზის მწარმოებელმა კომპანია „ლაიტნერმა“ დაადგინა.
აღნიშნული სამუშაოებიდან გამომდინარე, 29 მარტიდან 7 აპრილის ჩათვლით და 11 აპრილს „რიყე-ნარიყალას“ საბაგირო გზა ვერ მოემსახურება მგზავრებს.