“როდესაც ოპოზიციონერ ქალ დეპუტატებს აყენებენ ენით აღუწერელ შეურაცხყოფას, რა გაჩერებთ მანდ” – ნიკა მელია ენმ-ს მენეჯმენტს

„ნაციონალური მოძრაობის“ ექსთავმჯდომარემ, ნიკა მელიამ სოციალური ქსელით პარტიის ამჟამინდელ მენეჯმენტს მიმართა.

„მაქვს ძალიან კონკრეტული კითხვა ნაციონალურ მოძრაობასთან, მის მენეჯმენტთან და განსაკუთრებით მამაკაც დეპუტატებთან;

როდესაც ოპოზიციონერ ქალ დეპუტატებს აყენებენ ენით აღუწერელ შეურაცხყოფას, პირდაპირ ეთერში, რა ძალა, რა მისია ან რა ვალდებულება გაჩერებთ მანდ, მშვიდად და წყნარად როგორ ან რა მიზნით სხედხართ?
და ვინმემ არ თქვას ახლა, დეპუტატის მანდატი მიშას მოსანახულებლად გვჭირდებაო, ამ უფლებას რომ არ გაყენებინებენ ხომ ხედავთ?!
12 პუნქტის შესრულებაც მოიხსნა დღის წესრიგიდან, არა შედეგის, არამედ უშედეგობის გამო; საგამოძიებო კომისიებიც ვერ შეიქმნა.
პარლამენტში ყოფნა დღეის მდგომარეობით, რომ კონსტიტუციის ფარგლებს მიღმა მყოფი ოცნების ლეგიტიმაციაა, ეს ფაქტია, უბრალოდ პარლამენტში თუ ხართ, ღირსება მაინც გამოავლინეთ, რაიმე სიტუაციაში“, – წერს ის.

შეგახსენებთ, პარლამენტის დღევანდელ პლენარულ სხდომაზე „ქართული ოცნების“ დეპუტატს, ალუდა ღუდუშაურსა და „ნაციონალური მოძრაობის“ წევრს, ანა წითლიძეს შორის სიტყვიერი დაპირისპირება მოხდა. დეტალურად გაეცანით ბმულზე