„ქართული ოცნების“ წევრმა, არჩილ თალაკვაძემ საქართველოს მესამე პრეზიდენტის, მიხეილ სააკაშვილის შესახებ ისაუბრა.
„მიხეილ სააკაშვილს ბევრი მნახველი ჰყავს, ვინც იმ ინფორმაციებს ისმენს, რაც მას სიამოვნებს და მოსწონს. ასევე ის უყურებს ტელევიზორს, სამოქალაქო კლინიკაში იმყოფება და მისი პირობები მაღალ მოთხოვნებს აკმაყოფილებს. სამწუხაროა, რომ მისი გარემოცვა პირობებზე სპეკულაციებს ისევ აგრძელებს. რიტორიკა შეცვალეს, თუმცა ეს ადამიანები არ ჩერდებიან და ლობისტების დაქირავებას აგრძელებენ. სააკაშვილის განცხადებებს ერთადერთი მიზანი აქვს – მისი გუნდი, მისი პარტიის გუნდი ფულისა და ტელევიზიების გადანაწილებით არის დაკავებული და სააკაშვილი მწვავე კონკურენციას გრძნობს, რის გამოც სურს, ყურადღების ცენტრში და ყოველდღიურ ნიუსებში დარჩეს“, – განაცხადა არჩილ თალაკვაძემ.