გარემოს დაცვის ეროვნული სააგენტოს ოფიციალურ დოკუმენტში წერია, რომ “ღვარცოფული პროცესი საშიშროებას უქმნის ცენტრალურ საავტომობილო გზას და კურორტ შოვის ინფრასტრუქტურულ ობიექტებს“
ხელისუფლება უმოქმედოდ იყო მაშინაც, როდესაც, სავარაუდოდ, ხელისუფლებასთან დაახლოებულმა ბიზნესმენებმა შოვი ქაოტური მშენებლობების მოედნად გადააქციეს. ირკვევა, რომ სასტუმრო „სანსეტ შოვის“ ასაშენებლად, რომელიც „ოცნების“ ყოფილი დეპუტატის ილია წულაიას სახელს უკავშირდება, მდინარეს კალაპოტიც კი შეუცვალეს. დღეს კი ირკვევა, რომ კოტეჯებისა და სასტუმროების გარდა შოვში გაცემულია მრავალსართულიანი კორპუსის მშენებლობის ნებართვაც.