უკრაინაში დაღუპული ქართველი გმირები, დავით ქუჩუკიანი და მიხეილ მაზანაშვილი დღეს სამხედრო პატივით დაკრძალეს.
„გავაცილეთ ჩვენი ძმა, ჩვენი მეგობარი, ჩვენი უახლესი ადამიანი, გმირი საქართველოსი და უკრაინის. ის იყო ძალიან დიდი პატრიოტი ჩვენი ქვეყნის. დღევანდელი დღე ალბათ მომავალი თაობა ამას დააფასებს. ის არის ყველაზე მთავარი, რომ მან ჩვენი ქვეყნისთის დაღვარა სისხლი დადო თავი და დღეს გავაცილეთ მის ბოლო გზაზე“ , – აღნიშნა მედიასთან რუსეთ-უკრაინის ომის მონაწილე კიდევ ერთმა ქართველმა ჯარისკაცმა, ნადიმ ხმალაძე.
დაკრძალვის ცერემონია ქარელის რაიონში გაიმართა.
შეგახსენებთ, მაზანაშვილი 31 მარტს, ხოლო ქუჩუკიანი 4 აპრილს ბახმუტთან შეტაკებებს ემსხვერპლნენ.