პენსილვანიის შტატში ჯაჭვური ავარია მოხდა, რომელიც მსხვერპლით დასრულდა.
გავრცელებული ინფორმაციით, ამინდის გაუარესების შედეგად ერთმანეთს 50–მდე ავტომანქანა შეეჯახა, რასაც ჩქაროსნული მაგისტრალის ბლოკირება მოჰყვა.
ოფიციალური ინფორმაციით, გარდაცვლილია 3 ადამიანი, 40–მდე დაშავებული კი საავადმყოფოშია გადაყვანილი. ადგილზე სამაშველო ჯგუფებია მობილიზებული. მეტეოროლოგები რეგიონში ძლიერ ყინვებს პროგნოზირებენ და მოსახლეობას ქუჩაში გასვლისგან თავის შეკავებას ურჩევენ.