ირანელი მაჰსა ამინის ხსოვნის პატივსაცემად შეკრებილ ათასობით მოქალაქეს სამართალდამცველებმა ცეცხლი გაუხსნეს და მათ წინააღმდეგ ცრემლსადენი აირი გამოიყენეს – ინფორმაციას “ბიბისი“ ავრცელებს.
დემონსტრაციები თეირანში, ქაზვინში, საქეზსა და ქვეყნის სხვა ქალაქებში ამინის გარდაცვალებიდან 40 დღის გასვლასთან დაკავშირებით გაიმართა.
მედიის ცნობით, დარბევის მიუხედავად, მაჰსა ამინის მშობლიურ ქალაქში, მის საფლავთან 10 ათასამდე ადამიანი შეიკრიბა სკანდირებით „სიკვდილი დიქტატორს“.
სამართალდამცველებმა მაჰსა ამინის ოჯახი გააფრთხილეს, რომ სასაფლაოზე ცერემონიის ჩატარებას გარკვეული შედეგები მოყვებოდა და ემუქრებოდნენ მაჰსას ძმასაც.
22 წლის მაჰსა ამინი ჰიჯაბის არასწორად ტარების გამო, 16 სექტემბერს ე.წ. მორალის პოლიციამ დააკავა. ის სამდღიანი კომის შემდეგ, საავადმყოფოში გარდაიცვალა. როგორც თვითმხილველები აცხადებენ, მაჰსა ამინს პოლიციამ სასტიკად სცემა.