ახალი ამბები მთავარი პოლიტიკა საზოგადოება

ათენში ქართველი ემიგრანტი გარდაიცვალა – საბერძნეთის საელჩო განცხადებას ავრცელებს

ათენში საქართველოს მოქალაქის გარდაცვალებასთან დაკავშირებით საბერძნეთის საელჩო განცხადებას ავრცელებს. საელჩო მომხდარ ფაქტს ადასტურებს და წერს, რომ ცხედრის პოვნის შესახებ უკვე ეცნობა გარდაცვლილის ნათესავს. 26 ოქტომბერს ოჯახთან შეთანხმებით დაიწყო გადასვენების პროცედურები.

განცხადებას უცვლელად გთავაზობთ.

“საქართველოს საელჩოში მიმდინარე წლის 24 ოქტომბრამდე, მოქალაქე ლ.ს-ს გაუჩინარების ან/და გარდაცვალების თაობაზე, რაიმე სახის შეტყობინება არ შემოსულა, არც მისი ოჯახის წევრებისა და ნათესავების, არც საბერძნეთის პოლიციის, რომელიმე სამედცინო დაწესებულების, პროზექტურის ან დამკრძალავი ბიუროს მხრიდან.

მნიშვნელოვანია გავითვალსწინოთ, რომ საელჩო ავტომატურად არ იღებს ინფორმაციას პირის გარდაცვალების შესახებ თუ არ მოხდა აღნიშნულის თაობაზე ინფორმირება ზემოაღნიშნული პირების ან/და უწყებების მიერ.

აქვე გაცნობებთ, რომ მხოლოდ 24 ოქტომბერს საელჩოს დაუკავშირდა ნათესავი, რომელმაც გვაცნობა, რომ 12 ოქტომბრის შემდეგ არ ჰქონიათ კომუნიკაცია გაუჩინარებულ პირთან. ამასთან, არ ფლობდნენ ინფორმაციას გაუჩინარებული პირის ბოლო ადგილსამყოფელის, სამუშაო ადგილის ან ზუსტი საკონტაქტო ნომრის შესახებ. შესაბამისად, მათ გაეწიათ კონსულტაცია მოქმედი კანონმდელობის შესაბამისად უგზოუკვლოდ დაკარგული პირის მოძიების პროცედურების შესახებ. კერძოდ, ის რომ საბერძნეთის კანონმდებლობით, გაუჩინარებული პირის უახლოესმა ნათესავმა გაუჩინარებიდან 48 საათის გასვლის შემდეგ პირადად უნდა მიმართოს საბერძნეთის პოლიციას საცხოვრებელი მისამართის მიხედვით ან საზღვარგარეთ ყოფნის შემთხვევაში ადგილსამყოფელი ქვეყნის ინტერპოლის სამსახურს.

მეორე დღეს, 25 ოქტომბერს, სოციალურ ქსელში გავრცელდა ინფორმაცია ლ.ს -ს შესაძლო გარდავცლაების თობაზე. ინფორმაციის მიღებისთანვე, საქართველოს საელჩო და ყველა კომპეტენტური პირი ჩაერთო მოქალაქის ცხედრის მოძიებაში და კომუნიკაციაში იმყოფებოდნენ ნათესავთან.

იმავე საღამოს საელჩოს მიერ ატიკის რეგიონის ერთ-ერთ დამკრძლავ ბიუროში დადასტურდა ლ. ს-ს ცხედრის არსებობა და აღნიშნული ბიუროდან გამოთხოვილ იქნა შესაბამისი დოკუმენტაცია ცხედრის იდენტიფიცირების მიზნით.

ცხედრის პოვნის შესახებ ასევე, ეცნობა გარდაცვლილის ნათესავს, ხოლო 26 ოქტომბერს ოჯახთან შეთანხმებით დაიწყო გადასვენების პროცედურები.

საელჩო გარდაცვლილის ოჯახის წევრების ინტერესებისა და საკითხის მნიშვნელობიდან გამომდინარე, თავს იკავებს, გაასაჯაროვოს სხვა დეტალები”, – ნათქვამია საელჩოს განცხადებაში.

ცნობისთვის ათენში საქართველოს მოქალაქის გარდაცვალების შესახებ ინფორმაცია 25 ოქტომბერს სოციალურ ქსელში გავრცელდა.

იტვირთბა....

სხვა ამბები

ავარია რუსთავი-თბილისის ავტობანზე

სოფელ ატენში მანქანა ადგილობრივის სახლში შევარდა – დაშავდა 4 ადამიანი

სტაჟიორი

“უნდა დავდგე ქუჩაში ტრანსპარანტით – ნუ მომიკლავთ შვილს” – მიხეილ სააკაშვილის მამა საპროტესტო აქციებს აანონსებს

გორში სილამაზის სალონი გაქურდეს

აღმაშენებლის ხეივანზე ავტომობილი მოტოციკლს შეეჯახა – არიან დაშავებულები

🎥VIDEO: ვრცელდება ფარული ჩანაწერი, როგორ უკვეთდა მკვლელს ბებიის მკვლელობას 26 წლის კაცი