“მშვიდობა და უსაფრთხოება ევროპის კონტინენტზე” – ევროკავშირის მიერ გამართულ სამიტზე ღარიბაშვილი დისკუსიის თანათავმჯდომარეა

ევროკავშირის მიერ ინიცირებულ ევროპული პოლიტიკური თანამეგობრობის პირველი სამიტის ფარგლებში, პრაღის სასახლეში, მრგვალი მაგიდის ფორმატში თემატური დისკუსიები იმართება, სადაც  საქართველოს პრემიერ-მინისტრი, ირაკლი ღარიბაშვილი,  ესტონეთის პრემიერ-მინისტრთან ერთად, თემატური დისკუსიის – „მშვიდობა და უსაფრთხოება ევროპის კონტინენტზე“ თანათავმჯდომარეა.

არსებული ინფორმაციით, პრემიერ-მინისტრი თავის ესტონელ კოლეგასთან ერთად უძღვება დისკუსიას, რომელსაც ესწრებიან ევროპული სტრუქტურებისა და სხვადასხვა ქვეყნის ლიდერები, მათ შორის კლაუს იოჰანსენი, ილჰამ ალიევი, რეჯეფ თაიფ ერდოღანი, ემანუელ მაკრონი და გიტანას ნაუსედა.