ატომური ენერგიის საერთაშორისო სააგენტოს (IAEA) განცხადებით, ზაპოროჟიეს ელექტროსადგურის უკრაინის ელექტროქსელთან კავშირი აღდგა.
როგორც სააგენტოში აცხადებენ, უკრაინული მხარის ინფორმაციით, ატომური სადგური გასული დღის განმავლობაში სულ მცირე ორჯერ გამოირთო ქსელიდან, თუმცა, ახლა ის ისევ მუშაობს.
ამასთან, ატომური სადგური კვლავაც მიერთებულია ზაპოროჟიეს თბოელექტროსადგურთან, რომელიც სარეზერვო ელექტროენერგიის უზრუნველყოფას ახდენს.
ცნობისთვის, ისტორიაში პირველად, ზაპოროჟიეს ატომური სადგური ელექტროქსელიდან სრულად იყო გათიშული.