პანკისის ხეობაში სპეცოპერაციის დროს სპეცრაზმის მიერ სასიკვდილოდ დაჭრილი 19 წლის თემირლან მაჩალიკაშვილის მამა, მალხაზ მაჩალიკაშვილი Facebook-ზე პოსტს აქვეყნებს და შს მინისტრს, ვახტან გომელაურს და ექსპრემიერ ბიძინა ივანიშვილს მიმართავს.
“დიახ, შეგიძლიათ გადააბრალოთ ერთმანეთს.
ერთი რამ ნათელია – არც შენ და არც ის გოგშვილი სიმართლეს არ იძახით.
ყველაზე ცუდი კი ის არის, რომ თქვენ მიგისი კაცობა არ გყოფნით თქვათ სიმართლე.
ეს, რა თქმა უნდა, ყველას არ შეუძლია. ეს რომ შეძლოთ, მას კი მინიმალური ადამიანობა მაინც სჭირდება.
ახლა გისმენდით, როგორ პასუხობდით ჟურნალისტების კითხვებს და თუ მიხვდები რას ვფიქრობდი.
ალბათ მიხვდები ასე თუ ისე სუსის ყოფილი შეფი ხარ.
არ გაგიჭირდება ადამიანის აზრები ამოიკითხო თანაც როცა ჩემსნაირი მტერი გყავს.
აქ საუბრობ მედიკოსთან შეხვედრაზე და იმასაც იძახით რომ ამომწურავი პასუხები გაეცით მედიკოს კითხვებზე.
ან რა კითხვები უნდა ჰქონოდა შვილმოკლულ დედას – მან ის გთხოვა, გეღიარებინათ ის დანაშაული, რაც ჩაიდინეთ სახელმწიფომ.
მასმედიების და საზოგაფოების წინაშე რაზედაც მედიკომ უარი მიღო.
რომ მაგას არ გააკეთებდით ეს ხელისუფლების ჩამოშლას გამოიწვევდა ეს იყო თქვენი ამომწურავი პასუხი მკითხველმა და საზოგადოებამ რომ იცოდეს და იქვე აღიარეთ ის, რომ სპეზრაზმელს გაუვარდა.
მაგრამ იმ სიბინძურეზე არ საუბრობთ ვისი ბრძანებით მოხდა ხელყუმბარის ჩადება.
კი, გასაგებია, აღიარებ ბრძანების გამცემი შენ ხარ.
ამაზეც ჩამოყალიბდით ვინ შეიტანა ხელყუმბარა და ისიც უნდა თქვა ამ ბრძანების გამცემი შენ თუ ხარ თუ გოგაშვილია პოლიციის შეფო.
ხართ ხომ ბრძანების გამცემი დიახ და პასუხსაც აგებ საკადრის აუცილებლად მე ამას გპირდები დღეს შენთვის ადვილია თქვა ის რომ ძალიან სამწუხარო ამბავი მოხდა რამაც გული გატკინათ.
ეს ტკივილი რასაც დღემდე მე ვგრძნობ თითეულმა უნდა იგრძნოთ ამას რომ მიხვდეთ მაშინ მიხვდებით ეს ყველაფერი რას ნიშნავს.
დანარჩენი კი ტყუილი და უსაფოძვლო აბსურდია რასაც თქვენი სისხლით გაჟღენთილი გუნდი თუ ბანდა საუბრობთ.
იმედს ვიტოვებ ერთმანეთის სისხლის და ხორცის დაჭმას დაიწყებთ მალე მოუთმენლად ველოდები ამას. ბატონო ვახო!”, – წერს მაჩალიკაშვილი სოციალურ ქსელში.