ცენტრ “ემპათიის” ხელმძღვანელის, მარიამ ჯიშკარიანის განცხადებით, იმ შემთხვევაში, თუ საქართველოს მესამე პრეზიდენტი მიხეილ სააკაშვილი ადეკვატურ მკურნალობას არ მიიღებს, მოსალოდნელია, რომ მისი ჯანმრთელობის მდგომარეობა დამძიმდება.
“თუ იგი არ მიიღებს ადეკვატურ მკურნალობას და რეაბილიტაციას სტრესისგან თავისუფალ შესაბამის გარემოში, მოსალოდნელია დამძიმება, უნარშეზღუდულობამდე მისვლა, ან ლეტალური გამოსავალი. მთელი ცხოვრება დანამატებზე და პატიმრობაში ვერ იქნება. მას სჭირდება ადეკვატურ პირობებში მკურნალობა და რეაბილიტაცია”, – განუცხადა ჯიშკარიანმა “მთავარ არხს”.