.
ტაივანის ქალაქ ტაინანში ძლიერი მიწისძვრის შედეგად 7 ადამიანი დაიღუპა, 220-ზე მეტი კი დაშავდა. ამის შესახებ ინფორმაციას BBC ავრცელებს, რომლის თანახმად, ამ დროისთვის სტიქიის რეგიონში სამძებრო და სამაშველო სამუშაოები მიმდინარეობს. 6.4 მაგნიტუდის სიმძლავრის მიწისძვრა ადგილობრივი დროით 04:00 საათზე დაფიქსირდა. მიწისძვრას ნგრევაც მოჰყვა. განადგურდა ათობით სახლი. ბიძგებმა ყველაზე მეტად ქალაქი ტაინანი დააზარალა, სადაც რამდენიმე მაღალსართულიანი საცხოვრებელი კორპუსი მთლიანად ჩამოინგრა. ინტერნეტში მიწიძვრის ეპიცენტრში დრონით გადაღებული კადრები გავრცელდა.