სუს-ის ყოფილი მაღალჩინოსანი სოსო გოგაშვილი, პატიმრობაში მყოფი სოსო გოგაშვილი მორიგ განცხადებას ავრცელებს, რომელშიც წერს, რომ მე-12 დაწესებულებაში ბიძინა ივანიშვილისგან მუქარა მიიღო. გოგაშვილი არასამთავრობო ორგანიზაციებს, უფლებადამცველებსა და დიპლომატიურ კორპუსს მისი ოჯახის დაცვისკენ მოუწოდებს.
“კეთილი ფილანტროპი არა? მე-12 დაწესებულებაში მივიღე მუქარა ბიძინა ივანიშვილისაგან, რომ თუ არ გავჩერდებოდი და სასურველ ჩვენებას არ მივცემდი, მოხდება ჩემი და ჩემი ოჯახის განადგურება.შეიძლება გავიგო, რომ ჩემი ოჯახი CO-თი გაიგუდა, ხანძარს ემსხვერპლა ან ავტოსაგზაო შემთხვევას. უკეთეს შემთხვევაში მოხდება ჩემი ოჯახის წევრებისა და ახლო გარემოცვისათვის ჩადება და მათი დაჭერა, ოცნების ზონდერ მედიების შემოსევა. ჩემი ოჯახისა და ახლობლების წინააღმდეგ განხორციელებულ უკანონობებზე პასუხისმგებლობას ვაკისრებ ბიძინა ივანიშვილსა და მის ოჯახს. მე ჩემს ოჯახთან ერთად გავაგრძელებ ბრძოლას სამართლიანობისთვის და გავაგრძელებ მხილების კამპანიას. მივმართავ თხოვნით სახალო დამცველს, პოლიტიკოსებს განურჩევლად მათი პოზიციისა, არასამთავრობოებს, უფლებადამცველებს, დიპლომატიურ კორპუსსა და მედიას – დაიცვან ჩემი უდანაშაულო ოჯახი. ასევე მივმართავ ჩემს ნათესავებს, მეგობრებსა და მათ, ვისაც ჩემგან სიკეთე ახსოვს – დაიცავით ფიზიკურად ჩემი უდანაშაულო ოჯახი”, – წერს გოგაშვილი და პოსტზე საქართველოში აშშ-ს და ბრიტანეთის საელჩოებს, საქართველოს სახალხო დამცველის აპარატს, ევროკავშირის წარმომადგენლობა საქართველოში და ქართულ ტელევიზიებს ნიშნავს.