დაავადებათა კონტროლის ეროვნული ცენტრი Covid-19-თან დაკავშირებით ანგარიშს აქვეყნებს, რომლის მიხედვითაც, პირველი ივლისის მდგომარეობით, საქართველოში კორონავირუსით გარდაცვლილი სამედიცინო პერსონალის რაოდენობა 153-ს შეადგენს.
ანგარიშის მიხედვით, 53 ლეტალურ შემთხვევაში, რაც გარდაცვალების საერთო მაჩვენებლის 34.6%-ია, სახეზე იყო ქრონიკული დაავადებები, მათ შორის, უმეტესად კარდიოვასკულური დაავადებები. ამასთან, გარდაცვლილთა შორის კორონავირუსული დაავადების გართულებებად უმეტეს შემთხვევებში, სასუნთქი სისტემის დაავადებები ფიქსირდება.
ანგარიშისვე მიხედვით, სამედიცინო დაწესებულებებში მომუშავე ინფიცირებულ ქალებში ლეტალობის მაჩვენებელი 0.4 პროცენტია, ხოლო კაცებში 1.4%.