ევროკავშირის წევრმა ქვეყნებმა ზამთრის სეზონზე ბუნებრივი აირის მოხმარების ნებაყოფლობით შემცირების თაობაზე პოლიტიკურ შეთანხმებას მიაღწიეს. ამის შესახებ ინფორმაცია ევროპის საბჭოს ოფიციალურ ვებ-გვერდზე გამოქვეყნდა.
შეთანხმების მიხედვით, 2022 წლის 1 აგვისტოდან 2023 წლის 31 მარტამდე, გაზის მოხმარება 15%-ით შემცირდება გასული წლის საშუალო მოხმარებასთან შედარებით.
მთავრობები თავად გადაწყვეტენ, რა ზომებს მიმართავენ აღნიშნული გადაწყვეტილების სისრულეში მოსაყვანად.