ძალიან საინტერესო პრეცედენტია, როცა პრეზიდენტმა პირდაპირ ციტატებით ამხილა ირაკლი კობახიძე და მამუკა მდინარაძე მათ მიერ გაკეთებულ ანტიდასავლურ განცხადებებში. მან ძალიან მნიშვნელოვანი განცხადებები გააკეთა იმის თაობაზე, რომ “ქართულმა ოცნებამ“ ძალიან დესტრუქციული როლი ითამაშა და ხელს უშლის, საბოტაჟს უწყობს რიგგარეშე სესიის მოწვევას. პრეზიდენტთან გაგრძელდება კონსტრუქციული მუშაობა, რომ 12-პუნქტიან რეკომენდაციებს ევროპული სტანდარტით გაეცეს პასუხი
“ინტერპრესნიუსის” ცნობით, ასეთი კომენტარი გააკეთა ჟურნალისტებთან პარტია “ლელოს“ ერთ-ერთმა ლიდერმა, ბადრი ჯაფარიძემ პრეზიდენტ სალომე ზურაბიშვილის მიერ “საზოგადოებრივი მაუწყებლის” ეთერში გაკეთებული განცხადების შეფასებისას.