.
პოლიტიკური ორგანიზაცია „გირჩის“ ერთ-ერთმა წევრმა გოგა ხაჩიძემ პარლამენტში პრეზიდენტ გიორგი მარგველაშვილის გამოსვლის ამსახველი კადრები პირდაპირი ტრანსლაციის საშუალებით საზოგადოებას გაუზიარა, სადაც მან დააფიქსირა, თუ როგორ ერთობოდნენ გამოსვლისას პარლამენტის წევრები.
კადრში ჩანს, გუბაზ სანიკიძე, რომელიც პრეზიდენტის გამოსვლისას საუბრობს და კამერას ხელს უქნევს. ხაჩიძე ვიდეოში ამბობს, რომ ზაზა პაპუაშვილი დემონსტრაციულად ყურსასმენებით ზის. ვიდეოში ჩანს, რომ პრეზიდენტის გამოსვლას თითქმის არავინ უსმენს, თქვენც კარგად ხედავთ, როგორ ერთობიან თავად გოგა ხაჩიძე და ზურაბ ჯაფარიძე.