ახალი ამბები კორონავირუსი სამართალი

სამეგრელოში მედდა თანხის სანაცვლოდ აუცრელ პირებს სისტემაში ვაქცინირებულად არეგისტრირებდა

ფინანსთა სამინისტროს საგამოძიებო სამსახურმა უფლებამოსილების ბოროტად გამოყენების და კომერციული მოსყიდვის ფაქტზე ერთი მედდა დააკავა.

სამსახურის ცნობით, დადგინდა, რომ სამეგრელოში სამედიცინო დაწესებულების მედდა სამსახურებრივი მოვალეობების შესრულებისას დაინტერესებულ მოქალაქეებს კლინიკაში მიუსვლელად აფიქსირებდა იმუნიზაციის მართვის ელექტრონულ მოდულში, როგორც ვაქცინირებულ პირს, რის სანაცვლოდაც მათგან გარკვეულ თანხას იღებდა.

საგამოძიებო სამსახურის მიერ დანაშაულში უკვე მხილებულია თხუთმეტი მოქალაქე, რომლებიც ბრალდებულისათვის 300 ლარამდე თანხის გადახდის სანაცვლოდ, დარღვევით დარეგისტრირდნენ როგორც ვაქცინირებული პირები.

წინასწარი მონაცემებით, ამ დანაშაულებრივი გზით იმუნიზაციის მართვის ელექტრონულ მოდულში დარეგისტრირებულია დამატებით ათეულობით პირი, რომელთა დადგენა-მხილების მიზნითაც მიმდინარეობს შესაბამისი ღონისძიებები.

საქმეზე გამოძიება გრძელდება საქართველოს სისხლის სამართლის კოდექსის 220-ე და 221-ე მუხლებით, რაც სასჯელის სახით ითვალისწინებს თავისუფლების აღკვეთას 3-დან 5 წლამდე ვადით.

ავიაბილეთები იაფად
იტვირთბა....

სხვა ამბები

ზალუჟნი: რუსეთის ქვედანაყოფების მეხუთედი დამარცხებულია

შეფერხება და რეგრესი სასამართლო სისტემის რეფორმაში – რა წერია EU-ს ანგარიშში

საქართველოში მედიაგარემო კვლავ პლურალისტური და კონკურენტუნარიანია, მაგრამ ძალიან პოლარიზებული – EU

სამკარისად არ იყო დაცული შეკრების უფლება და მომიტინგეების უსაფრთხოება – EU 5 ივლისზე

ოზურგეთში, ყოფილი ცოლის მკვლელობაში ბრალდებულს პატიმრობა შეეფარდა

EU-ს ანგარიშითს მიხედვით, სახალხო დამცველის ოფისზე იყო ზეწოლა, რაც პოლიტიკურად სენსიტიურ საკითხებზე ხმამაღლა გამოხმაურებამ განაპირობა