ქართველი მოდელი, თაკო ნაცვლიშვილი ARMANI-ს გაზაფხული/ზაფხულის კოლექციის სახე გახდა. თაკო უკვე დიდი ხანია თანამშრომლობს მსოფლიოს წამყვან სამოდელო სააგენტოებთან: Atelier Versace, Yohji Yamamoto, Calvin Klein, Elie Saab, Ralph and Russo, Dior, Zuhair Murad, Giorgio Armani და სხვები. 2016 წელი და პარიზის მაღალი მოდის კვირეული კი ქართველი ლამაზმანისთვის ARMANI-ს შეთავაზებით ნამდვილ დღესასწაულად იქცა.
ცოტა ხნის წინ, თაკო ნაცვლიშვილი მსოფლიოს ერთ-ერთი წამყვანი ჟურნალის FMD-ის (Fashion Model Directory) გარეკანზეც მოხვდა. ჟურნალი მსოფლიოს წამყვანი მოდელების შესახებ ვრცელ ინფორმაციას, მათ ბიოგრაფიასა და ფოტოებს აერთიანებს.
თაკო ნაცვლიშვილი 15 წლის ასაკში Louis Vuitton-ის, Dolce & Gabbana-ს, Christian Dior-ისა და Calvin Klein-ის მოდელი იყო. მოდელი ახლა 18 წლისაა.
