ახალი ამბები საზოგადოება ჯანდაცვა

კოვიდის შემდეგ ამ ტიპის დაავადებებზე განსაკუთრებული შფოთვა აღინიშნება – ბუწაშვილი

ამ ბოლო კვირების განმავლობაში ბევრი ადამიანია ავად სასუნთქი გზების ინფექციების სიმპტომებით. განსაკუთრებით ხშირია ყელის ტკივილი, სიცხე, კუნთების ტკივილი. სიმპტომები გრძელდება დაახლოებით 5-7 დღე, თუმცა ზოგჯერ ხანგრძლივდება.
ბევრი შეშინებულია ამ სიმპტომებით და ამის გამო უამრავ გაურკვეველ კვლევას იტარებს და ასევე გაურკვეველ მედიკამენტებს იღებს.

დაავადებათა კონტროლის ცენტრი პერიოდულად აქვეყნებს, სასუნთქი გზების ინფექციების გამომწვევი რომელი მიკროორგანიზმებია იმ ეტაპისთვის გავრცელებული ჩვენს ქვეყანაში. ბოლო ინფორმაცია მაისის შუა რიცხვების არის და ვხედავთ, რომ კვლავ ცირკულირებს სეზონური გრიპის ვირუსები (სიმპტომების მქონეთა 35%-ზე მეტს გრიპი აქვს); რინოვირუსები (რომლებიც ძირითადად სურდოს და ზემო სასუნთქი გზების სხვა სიმპტომებს იწვევენ); ადენოვირუსები (რომლებსაც ასევე შეიძლება ახასიათებდეს დიარეა და კონიუნქტივიტი); რესპირატორულ-სინციტიური ვირუსი (განსაკუთრებით მძიმედ მიდის ჩვილ ბავშებში და ხანდაზმულებში, შეიძლება გართულდეს ქვედა სასუნთქი გზების დაზიანებით) და სხვა ვირუსები.

რეალურად ამ ინფექციების პერიოდული აფეთქებები ყოველთვის იყო და ეს ახალი არ არის, უბრალოდ, კოვიდის შემდეგ ამ ტიპის დაავადებებზე განსაკუთრებული შფოთვა და ყურადღება აღინიშნება.

ასევე რამდენიმე შეშინებულმა მშობელმა მოგვმართა იმასთან დაკავშირებით, რომ ბავშვს ჰქონდა გამონაყარი, განსაკუთრებულ შეშფოთებას იწვევდა ხელის და ფეხისგულებზე გამონაყარი (რადგან ახლა ხშირად ისმის, რომ მაიმუნის ყვავილს ახასიათებს). თუმცა ეს სიმპტომები ახასიათებს ე.წ. ხელის, ფეხის და პირის ღრუს დაავადებას (hand foot and mouth disease), რომელსაც იწვევს კოქსაკის ვირუსი (მიეკუთვნება ენეტეროვირუსების ჯგუფს).

აქვე კიდევ ერთხელ დავაკონკრეტებ, რომ ენტეროვირუსებს ჩვენთან არასწორად უწოდებენ დიარეის გამომწვევ მიკროორგანიზმებს. ანუ დიარეის შემთხვევაში ამბობენ, „ენტეროვირუსი“ აქვს, რაც სრულიად არასწორია, რადგან ენტეროვირუსები სინამდვილეში სრულიად სხვა ჯგუფია.

არსებობს ცხვირ-ხახის ნაცხის PCR გამოკვლევა (კოვიდის PCR-ს არ ვგულისხმობ, ცხადია) 21 პათოგენზე, რომლითაც ზუსტად შეიძლება იდენტიფიცირება, რომელი მიკროორგანიზმი იწვევს სასუნთქი გზების სიმპტომებს. თუმცა ამ ვირუსებს შორის რომელი აქვს ადამიანს, ამას გადამწყვეტი მნიშვნელობა არა აქვს, რადგან მკურნალობა არც ერთს არ სჭირდება და რჩევები ყველა მათგანის შემთხვევაში იგივეა – მოვერიდოთ გარშემომყოფებს, მივიღოთ სითხე, საჭიროების შემთხვევაში სიცხის დამწევი და ტკივილგამაყუჩენებლი.

უკვე გაცვეთილი ფრაზაა და ყველამ იცის, მაგრამ აქტუალურია და მაინც გავიმეორებ: ანტიბიოტიკები ვირუსებზე არ მოქმედებს და მათი ჩართვა მხოლოდ ბაქტერიული ინფექციების დროს არის საჭირო“, – წერს ბუწაშვილი ფეისბუკზე.

 

აღნიშნულის შესახებ ინფექციონისტი მაია ბუწაშვილი სოციალურ ქსელში პოსტს აქვეყნებს.

ავიაბილეთები იაფად
იტვირთბა....

სხვა ამბები

საბერძნეთში დააკავეს ქართველი ქალი, რომელიც მოხუცებს ნარკოტიკით აბრუებდა და ძარცვავდა

გოცირიძე “ოცნებიდან” დეპუტატების გასვლაზე: მათი პირით იღაღადებს ბიძინა

🎥VIDEO: ამ წუთებში მოსკოვში ხანძარია

თბილისი პრაიდის კვირეულის დაწყების აღსანიშნავად, ორგანიზატორებმა ტორტი გაჭრეს

ბულგარეთმა რუსეთის საელჩოს 70 თანამშრომელს ქვეყნის დატოვება მოსთხოვა

“ოთხი მანქანა დამყვება ქუთაისი-ბათუმის ტრასაზე” – დეკანოიძე ფარულ თვალთვალზე