უკრაინის თავდაცვის მინისტრის, ოლექსეი რეზნიკოვის განცხადებით, ოპტიმისტური პროგნოზით, შესაძლებელია, რომ სრულმასშტაბიანი ომი წელს დასრულდეს. ამის შესახებ რეზნიკოვმა უსაფრთხოების საერთაშორისო ფორუმზე GLOBSEC-2022 განაცხადა.
“რუსეთი განაგრძობს ჩვენი სახელმწიფოს ოკუპირების მცდელობას. ჯერჯერობით შეუძლებელია იმის პროგნოზირება, თუ როდის დასრულდება ომი, მაგრამ ჩემი ოპტიმისტური პროგნოზით, რეალურია, ეს ამ წელს მოხდეს”, – აცხადებს რეზნიკოვი.
მისივე თქმით, რუსეთი უკრაინაზე არ გაჩერდება.
“შემდეგი იქნება პოლონეთი, ბალტიისპირეთის ქვეყნები, სლოვაკეთი და სხვები. ამიტომ, ჩვენ უნდა გავაჩეროთ რუსეთი და მომავალშიც უნდა შევაკავოთ ის”, – აცხადებს რეზნიკოვი.