უკრაინის შეიარაღებულმა ძალებმა სევეროდონეცკში საცდელი კონტრშეტევა განახორციელეს და ექვსი რუსი სამხედრო ტყვედ აიყვანეს. – ამის შესახებ ლუგანსკის რეგიონალური სამხედრო ადმინისტრაციის ხელმძღვანელმა სერგი გაიდაიმ Facebook-ზე დაწერა.
გაიდაის თქმით, სევეროდონეცკის დაახლოებით 80% ოკუპირებულია, თუმცა ქალაქზე კონტროლის დასაბრუნებლად ბოლომდე იბრძოლებენ.
„სევეროდონეცკს არ დავთმობთ! უკრაინის შეიარაღებულმა ძალებმა განახორციელეს სატესტო კონტრშეტევები და ექვსი ბოევიკი დაატყვევეს “, – თქვა მან.