ოკუპირებულ ცხინვალის რეგიონში შემავალი ე.წ. სამხრეთ ოსეთის რესპუბლიკის ახლადგამოცხადებულმა “პრეზიდენტმა”, ალან გაგლოევმა რუსეთთან მიერთების შესახებ რეფერენდუმის ჩატარება შეაჩერა. გაგლოევი ამის ერთ-ერთ მიზეზად “რეფერენდუმზე წარდგენილი საკითხის სამართლებრივი შედეგების გაურკვევლობას” ასახელებს.
“გაგლოევი დაჟინებით ითხოვს რუსულ მხარესთან კონსულტაციების გამართვას რესპუბლიკის შემდგომი ინტეგრაციის საკითხებზე. მოლაპარაკებების დასრულებამდე, რეფერენდგუმის შესახებ დადგენილება შეჩერებულია”, – წერს ონლაინ-გამოცემა Озодлик.
“სამხრეთ ოსეთის” მანამდელი დე ფაქტო ლიდერი, ანატოლი ბიბილევი რეფერენდუმის ჩატარებას 17 ივლისს გეგმავდა.
თვითგამოცხადებულ რესპუბლიკაში დე ფაქტო არჩევნები 2022 წლის აპრილში ჩატარდა. გაგლოევმა ხმების 56,09 პროცენტი მიიღო.