ახალი ამბები მთავარი საზოგადოება

იმოქმედეთ პაციენტის ინტერესებიდან გამომდინარე – “ვივამედი” სააკაშვილთან დაკავშირებით განცხადებას ავრცელებს

კლინიკა „ვივამედი“, სადაც საქართველოს მესამე პრეზიდენტი, მე-12 დღეა გადაიყვანეს მიხეილ სააკაშვილის ჯანმრთელობის მდგომარეობასთან დაკავშირებით განცხადებას ავრცელებს.

“პაციენტი მიხეილ სააკაშვილი, კლინიკა „ვივამედში“ შემოყვანილი იქნა მიმდინარე წლის 12 მაისს. ჩატარებული ლაბორატორიული კვლევების შედეგებისა და ექიმ-სპეციალისტთა მიერ პაციენტის მდგომარეობის შეფასების საფუძველზე, იგი მოთავსებული იქნა თერაპიულ განყოფილებაში სტაციონარული ზედამხედველობის მიზნით.

საკვების არასრულფასოვანი მიღების შედეგად, შესაძლო გართულებების თავიდან აცილების მიზნით, პაციენტს უგრძელდება ლაბორატორიული მონიტორინგი, კონსულტირებულია სხვადასხვა პროფილის ექიმ-სპეციალისტის მიერ, ჩატარებული აქვს მრავალი ინსტრუმენტული (მათ შორის, მაგნიურ-რეზონანსული ტომოგრაფია) კვლევა. კვლევების დროში გახანგრძლივება პირდაპირ კავშირში იყო პროცედურულ საკითხებთან, რაც გულისხმობს პაციენტისგან ნებართვის აღებას, თანაც ლაბორატორიული მონაცემები „ლოდინის“ საშუალებას გვაძლევდა.

ჯანმრთელობის მდგომარეობა პაციენტის სტაციონარში ყოფნის პერიოდში არ გაუარესებულა: ლაბორატორიული მონაცემები დინამიკაში სტაბილურია, ნაწილი ინსტრუმენტული გამოკვლევების შედეგები – უარყოფითი დინამიკის გარეშეა. მაგნიტურ-რეზონანსული ტომოგრაფიაზე ნანახი ცვლილებები – ხანდაზმულია, არ არის კავშირში პაციენტის ამჟამინდელ მდგომარეობასთან და არ საჭიროებს აქტიურ სამედიცინო ჩარევას, რეკომენდირებულია დინამიკაში დაკვირვება.
მასმედიით ხშირად გაჟღერებული ინფორმაცია, რომ კლინიკა „ვივამედს“ არ შესწევს უნარი დასვას დიაგნოზი და მართოს პაციენტი სათანადოდ – არის აბსურდული და შეურაცხმყოფელი. ყოვლად მიუღებელია კლინიკაზე და კლინიკის ექიმებზე ზეწოლა, მათ კომპეტენციებში ეჭვის შეტანა და პაციენტის ჯანმრთელობასთან დაკავშირებული ცრუ ინფორმაციების გავრცელება. გულდასაწყვეტია და კითხვის ნიშნებს ბადებს ცალკეული ექიმების მხრიდან რეალობას მოწყვეტილი ისტერიული ინფორმაციის ტირაჟირება, რომ პაციენტი არ არის კონტაქტური, ვერ გადაადგილდება, მდგომარება არის კრიტიკული და ა.შ. მოვუწოდებთ ყველას, იმოქმედონ პაციენტის საუკეთესო ინტერესებიდან გამომდინარე.”- წერია განცხადებაში.

ავიაბილეთები იაფად
იტვირთბა....

სხვა ამბები

საქართველოში გარკვეულ უკანგადადგმულ ნაბიჯებს ვხედავთ – ჩეხეთის ელჩი

უკრაინის ძალებმა სხვადასხვა მიმართულებით მტრის რამდენიმე შეტევა მოიგერიეს – გენშტაბი

Der Spiegel: რუსეთს შესაძლოა, სანქცირებული საქონლის კალინინგრადში შეტანის ნება დართონ

ტყვეობიდან გამოხსნილი მესაზღვრე იხსენებს, როგორ ექცეოდნენ რუსები “აზოვსტაველებს”

ქართველ გოგონას, რომელიც თბილისის ცენტრში რუსულ სიმღერას აპროტესტებდა, კამერა წაართვეს (ვიდეო)

(ვიდეო) ამ წუთებში, რადიკალური ჯგუფსა და სამართალმცავებს შორის ფიზიკური დაპირისპირებაა