უკრაინული მხარე რუსებს “აზოვსტალის” ქარხანაში მძიმედ დაჭრილი მეომრების რუს სამხედრო ტყვეებში გაცვლას სთავაზობს. ამის შესახებ ვიცე-პრემიერი ირინა ვერეშუკი Telegram-ზე წერს.
“პირველი ნაბიჯის სახით, რუსებს ასეთი გაცვლა შევთავაზეთ – ჩვენ, “აზოვსტალიდან” მძიმედ დაჭრილები გამოგვყავს ჰუმანიტარული კორიდორით და ამასთან, რუსებს ტყვეებს გადავცემთ სამხედრო ტყვეების გაცვლის სტანდარტებთან შესაბამისად. ჯერ შეთანხმებისთვის არ მიგვიღწევია, მოლაპარაკებები გრძელდება. “აზოვსტალის” მცველებს ტყვედ ჩაბარება არ სურთ. ეს პატივისცემას იმსახურებს”, – წერს ვერეშუკი.
ცნობისთვის, უკრაინის შეიარაღებული ძალების გენერალური შტაბი Facebook-ზე წერს, რომ მტერი მარიუპოლში მდებარე “ზოვსტალის” ქარხანაზე საავიაციო შეტევებს უწყვეტად აგრძელებს.