aviabiletebi
ახალი ამბები მთავარი მსოფლიო

პოდოლიაკი: 10 ათასობით უკრაინელმა საკუთარი სიცოცხლით გადაიხადა ევროპული არჩევანის ფასი

aviabiletebi
ავიაბილეთები

უკრაინის პრეზიდენტის ადმინისტრაციის უფროსის მრჩეველმა, მიხაილო პოდოლიაკმა ის ევროპელი პოლიტიკოსები გააკრიტიკა, რომლებსაც არ სურთ, რომ უკრაინამ ევროკავშირის კანდიდატი ქვეყნის სტატუსი მიიღოს. როგორც პოდოლიაკი Twitter-ზე წერს, ათი ათასობით უკრაინელმა საკუთარი სიცოცხლით გადაიხადა ევროპული არჩევანის ფასი და ქვეყანას ხელი არ უნდა შეუშალონ ევროპისკენ სწრაფვაში.

“ცუდ თამაშში კარგად გამოჩნდე – ასე გამოიყურება ზოგიერთი დასავლელი პოლიტიკოსის, მცდელობა, უკრაინის ევროკავშირში გაწევრიანება სიმბოლური ფორმატებით შეიცვალოს. 10 ათასობით უკრაინელმა საკუთარი სიცოცხლე ევროპულ არჩევანში გადაიხადა და არა Shell game-ის ახალ სერიაში. უკრაინამ უნდა მიიღოს კანდიდატი ქვეყნის სტატუსი”, – წერს პოდოლიაკი.

ცნობისთვის, საფრანგეთის პრეზიდენტი გუშინ “ევროპული პოლიტიკური თანამეგობრობის” შექმნის ინიციატივით გამოვიდა, რაც მისი თქმით, უკრაინას და ევროკავშირის სხვა არაწევრ ქვეყნებს საშუალებას მისცემს, “ძირითად ევროპულ ღირებულებებს“ შეუერთდნენ.

იტვირთბა....