რუსეთის საგარეო საქმეთა მინისტრის, სერგეი ლავროვის განცხადებით, NATO-ს წევრი სახელმწიფოები ყველაფერს აკეთებენ, რომ უკრაინაში რუსეთის მიერ დაწყებული ე.წ. სპეცოპერაციის პოლიტიკური შეთანხმების გზით დასრულებას ხელი შეუშალონ.
ამის შესახებ ლავროვმა საინფორმაციო სააგენტო Синьхуа-სთან ინტერვიუში განაცხადა.
“ჩვენ ამჟამად ორმაგი სტანდარტების გამოვლენის კლასიკური შემთხვევის და დასავლური ისტებლიშმენტის თვალთმაქცობის მოწმე ვართ – კიევის რეჟიმისთვის საჯარო მხარდაჭერის გამოცხადების ფონზე, NATO-ს წევრი ქვეყნები ყველაფერს აკეთებენ, რომ “ოპერაციის” პოლიტიკური შეთანხმების გზით დასრულებას ხელი შეუშალონ”, – აცხადებს ლავროვი.
შეგახსენებთ, რუსეთი უკრაინაში სრულმასშტაბიან ომს 24 თებერვლის შემდეგ აწარმოებს.
