მოსკოვი საქართველოსთან სავიზო რეჟიმის გაუქმებისათვის მზად არის, თუმცა სანამ ქვეყნებს შორის დიპლომატიური ურთიერთობები არ არსებობს ამ საკითხის განხილვა უცნაურია. “რია ნოვოსტის” ინფორმაციით, ეს განცხადება რუსეთის საგარეო საქმეთა მინისტრმა სერგეი ლავროვმა გააკეთა.
“ჩვენ მზად ვართ პერსპექტივაში უვიზო რეჟიმზე გადავიდეთ, მაგრამ ცოტათი უცნაურია, თუ ეს საკითხი იმ პერიოდში განიხილება, როდესაც ჩვენს შორის დიპლომატიური ურთიერთობები არ არსებობს. დიპლომატიური ურთიერთობები ჩვენ არ გაგვიწყვეტია”, – განაცხადა ლავროვმა.