ბარაკ ობამას განცხადებით, მისთვის ძნელი დასაჯერებელია, რომ რუსეთის პრეზიდენტი ვლადიმერ პუტინი, რომელიც უკრაინაში შეიჭრა, იგივე პიროვნებაა, ვისთანაც მაშინ ჰქონდა კონტაქტი, როდესაც აშშ-ს პრეზიდენტის თანამდებობას იკავებდა ორი ვადით. ამის შესახებ ობამამ გამოცემა Atlantic-ის რედაქტორთან, ჯეფრი გოლდბერგთან საუბარში განაცხადა.
“ვერ ვიჯერებ, რომ ეს იგივე ადამიანია, რომელსაც მე ვიცნობდი. ხუთი წლის წინ ასეთ რამეს ვერ ვივარაუდებდი”, – ამბობს ობამა, თუმცა, დასძენს რომ პუტინი ყოველთვის დაუნდობელი იყო და მისგან რაციონალურ გადაწყვეტილებებს არ უნდა ველოდოთ.
ცნობისთვის, ბარაკ ობამა აშშ-ს პრეზიდენტის პოსტს იმ პერიოდში იკავებდა, როდესაც 2014 წელს, ვლადიმერ პუტინი ყირიმში შეიჭრა.