მე არ მიკვირს იმის, რასაც “ქართული ოცნების“ წარმომადგენლები, ბატონი კობახიძე და კალაძე აკეთებენ. არ მიკვირს მათი თავის მართლების არგუმენტები, რომ კონტრაბანდა აქ არ არსებობს, მაგრამ მე ნამდვილად მიკვირს იმ ადამიანების, რომლებსაც თავი ოპოზიციონერებად მოაქვთ, ეთერ-ეთერ დადიან და საუბრობენ, რომ “ქართულმა ოცნებამ“ ყველაფერი გააკეთა, შავი ხვრელი რომ აღარ დარჩეს და ყველანაირი კონტრაბანდული გადაზიდვები გამორიცხულიაო. მათ შორის, ბატონი გრიგოლ ვაშაძე. ერთი კვირა რეცხა შლანგით “ქართული ოცნება“. ზელენსკი რატომ დგას ასე მაგრად და მდგრადად ფეხზე. იმიტომ, რომ სანამ პუტინი იერიშზე წავიდოდა, მან თავისი ადგილი მიუჩინა ბევრ მოღალატეს და ბევრ ორ სკამზე მჯდომ ადამიანს. წინააღმდეგ შემთხვევაში, ის, პირველ რიგში, პირადად აღმოჩნდებოდა ალყაში. მე არავისთვის შეურაცხყოფის მიყენებას არ ვაპირებ, მაგრამ სიმართლე უნდა ითქვას
ამის შესახებ “ერთიანი ნაციონალური მოძრაობის“ თავმჯდომარემ, ნიკა მელიამ ტელეკომპანია „ფორმულას“ ეთერში განაცხადა.