ახალი ამბები მთავარი მსოფლიო პოლიტიკა უკრაინის ომი

უკრაინა უბლოკო სტატუსის გამოსაცხადებლად მზად არის – ალექსანდრ ჩალი

დიპლომატი ალექსანდრ ჩალი, რომელიც რუსეთთან მოლაპარაკებებში უკრაინის დელეგაციის იურიდიულ ჯგუფს ხელმძღვანელობს, აცხადებს, რომ უკრაინა მზად არის, დააფიქსიროს უბლოკო სტატუსი და უარი თქვას სამხედრო-პოლიტიკურ ალიანსებში გაწევრიანებაზე. ამ ყველაფერს კი მისი თქმით, ქვეყანა უსაფრთხოების მყარი გარანტიების სანაცვლოდ დასთანხმდება.

ამის შესახებ გამოცემა UNIAN-ის ცნობით, ალექსანდრ ჩალიმ მოლაპარაკებების ახალი რაუნდის დასრულების შემდეგ განაცხადა, რომელიც სტამბოლში გაიმართა.

მისი თქმით, შეთანხმება შედგება იმ შემთხვევაში, თუ მასში NATO-ს მე-5 მუხლის მსგავსი ჩანაწერი გაკეთედება, რომლის მიხედვითაც, ქვეყნის ტერიტორიაზე ნებისმიერი სამხედრო აგრესიის განხორციელების შემთხვევაში, გარანტორი ქვეყნები ვალდებული იქნებიან უკრაინას სამხედრო დახმარება აღმოუჩინონ, მათ შორის, ჩაკეტონ ცა ქვეყნის თავზე.

“შეთანხმება უსაფრთხოების გარანტიებზე – ეს ომის დასრულების შესაძლო დიპლომატიური ფორმატია. ეს არის ტერიტორიული მთლიანობის და უკრაინის უსაფრთხოების დიპლომატიური საშუალებებით აღდგენის შესაძლებლობა. უკრაინის მთავარი მოთხოვნა არის მკაფიო იურიდიული გარანტიები, რომლებიც თავისი შინაარსითა და ფორმით NATO-ს მე-5 მუხლის მსგავსი უნდა იყოს. ეს იმას ნიშნავს, რომ თუ უკრაინა გახდება ნებისმიერი სახის აგრესიის, ნებისმიერი სამხედრო თავდასხმის, ან ნებისმიერი სამხედრო ოპერაციის ობიექტი და სამი დღის განმავლობაში კონსულტაციები არ გამოიწვევს საკითხის დიპლომატიურ გადაწყვეტას, მაშინ გარანტორმა ქვეყნებმა უნდა მოგვაწოდონ სამხედრო დახმარება, იარაღი და მეტიც, ჩვენ შეგვაქვს მუხლი უკრაინის თავზე საჰაერო სივრცის ჩაკეტვის შესახებ. უკრაინაში უსაფრთხოება აღსადგენად ყველაფრის გაკეთება – ეს არის ჩვენი საკვანძო მოთხოვნა. ამის შესრულების შემთხვევაში, უკრაინა ფორმალურად დააფიქსირებს უბლოკო და არაბირთვული სახელმწიფოს სტატუსს მუდმივი ნეიტრალიტეტის ფორმით, რაც ისტორიულად უკვე ასახულია 1990 წლის 16 ივლისს მიღებულ სახელმწიფო დეკლარაციაში”, – აცხადებს ჩალი.

შეგახსენებთ, რუსეთი უკრაინაში სრულმასშტაბიან ომს 24 თებერვლის შემდეგ აწარმოებს.

ავიაბილეთები იაფად
იტვირთბა....

სხვა ამბები

“თანავუგრძნობ ჩვენ ქართველ ძმებს! მადლობას ვუხდი ყველა მეომარს” – ერმაკის სამძიმარი საქართველოს

უკრაინაში დაღუპული ჯარისკაცების ოჯახები ცხედრების მოლოდინში – მებრძოლების ახლობლების ინფორმაციით, მოლაპარაკებები უკვე დაწყებულია

Emily Peikrishvili

„ტერორისტ და მკვლელ ქვეყანას უსაფრთხოების გარანტიები გინდათ მისცეთ?“ – ოლექსი დანილოვი ემანუელ მაკრონს

„74,6 კილოგრამია, ამწუთას ავწონეთ“ – კონსილიუმის წარმომადგენელი სააკაშვილზე

Emily Peikrishvili

რა სანქციები დაუწესა უკრაინამ პრორუს სასულიერო პირებს

ზუგდიდის მუნიციპალიტეტში ხანძრის შედეგად საცხოვრებელი სახლი დაიწვა

სტაჟიორი