მიუნხენში ევროპის 2017 წლის ჩემპიონატის შესარჩევი ტურნირის კენჭისყრა შედგა. როგორც იცით, საქართველოს ეროვნული ნაკრები, რომელიც პირველ კალათაში იყო განთესილი და F ჯგუფში მოხვდა. ჩვენი ნაკრების მეტოქეები იქნებიან მონტენეგრო, სლოვაკეთი და ალბანეთი.
ევროპის 2017 წლის ჩემპიონატზე უკვე გასულია 13 გუნდი: ისრაელი, თურქეთი, რუმინეთი, ფინეთი (ევრობასკეტის მასპინძლები), ესპანეთი, ლიტვა (ევრობასკეტის ფინალისტები და ოლიმპიადის მონაწილენი), საფრანგეთი, იტალია, სერბეთი, საბერძნეთი, ჩეხეთი, ლატვია, ხორვატია (ოლიმპიადის საკვალიფიკაციო ტურნირის მონაწილენი). შესაბამისად, ევრობასკეტის 24 საგზურიდან გასათამაშებელი დარჩა 11, რომლისთვისაც სწორედ ის 27 გუნდი იბრძოლებს, რომლებიც მიუნხენში გამართული კენჭისყრის შედეგად 7 ჯგუფში გადანაწილდა.
ევროპის ჩემპიონატის საგზურს აღნიშნული ჯგუფების გამარჯვებულები მიიღებენ, რომლებსაც 4 საუკეთესო მეორეადგილოსანი დაემატება. რაკი 1 ჯგუფში დანარჩენებისგან განსხვავებით 3 გუნდია, საუკეთესო მეორეადგილოსანი შემდეგი პრინციპით გამოვლინდება: 4-გუნდიანი ჯგუფების მეორეადგილოსნებს ჩამოეჭრებათ ჯგუფში ბოლო, მე-4 ადგილზე გასულ გუნდებთან ნაჩვენები შედეგები და ამ შედეგებით გამოვლინდება 4 საუკეთესო.
საქართველოს ნაკრების კალენდარი ასე გამოიყურება:
31 აგვისტო: საქართველო – ალბანეთი
3 სექტემბერი: სლოვაკეთი – საქართველო
7 სექტემბერი: საქართველო – სლოვაკეთი
10 სექტემბერი: ალბანეთი – საქართელო
14 სექტემბერი: საქართველო – სლოვაკეთი
17 სექტემბერი: მონტენეგრო – საქართველო