ახალი ამბები მთავარი საზოგადოება

გამოკითხვა: 61% თვლის, რომ საქართველოს მთავრობამ უკრაიანას მეტად უნდა დაუჭიროს მხარი

არასამთავრობო ორგანიზაცია CRRC საქართველომ უკრაინაში მიმდინარე ომთან დაკავშირებით საზოგადოებრივი აზრის კვლევა ჩაატარა.

გამოკითხულთა 61 პროცენტის აზრით, საქართველოს მთავრობამ უკრაინის მთავრობას მეტად უნდა დაუჭიროს მხარი. 32% მიიჩნევს, რომ ჩვენი ქვეყნის მთავრობა საკმარისად უჭერს მხარს უკრაინას. 2 პროცენტის აზრით, ეს მხარდაჭერა ნაკლები უნდა იყოს, 1 პროცენტი კი თვლის, რომ საქართველოს მთავრობამ უკრაინის მთავრობას მხარი საერთოდ არ უნდა დაუჭიროს.

ამასთან, გამოკითხულთა 71 პროცენტი მიიჩნევს, რომ ევროკავშირის, აშშ-ს და სხვა ქვეყნების მიერ რუსეთისთვის დაკისრებული სანქციები უნდა გამკაცრდეს; 11-პროცენტი ამბობს, რომ “არ იცის” ამ კითხვაზე პასუხი; 10%-ის აზრით, სანქციები უნდა დარჩეს ახლანდელ დონეზე; 4 პროცენტის ამბობს, რომ უნდა შემსუბუქდეს, 3 პროცენტი კი პასუხობს, რომ სანქციები საერთოდ უნდა გაუქმდეს.

39 % თვლის, რომ საქართველოს მთავრობა რუსეთისთვის დაწესებულ ყველა სანქციას უნდა შეუერთდეს.

ამასთან, კითხვაზე, საქართველოს მთავრობის მხრიდან უკრაინის დასახმარებლად გადადგმული რომელი ნაბიჯები იქნება მათთვის მისაღები , ან სრულად მიუღებელი, პასუხები პროცენტულად ასე გადანაწილდა:

  • უკრაინას ჰუმანიტარული დახმარება მიაწოდოს, როგორიცაა საკვები და მედიკამენტები (85%)
  • დროებით მიიღოს უკრაინელი ლტოლვილები (79%)
  • უკრაინას ფინანსურად დაეხმაროს (69%)
  • ნება დართოს მოხალისეებს საქართველოდან, უკრაინაში საბრძოლველად წავიდნენ (42%)
  • რუსეთის ფედერაციის მოქალაქეებს შეეზღუდოს საქართველოში შემოსვლა (40%)
  • უკრაიანს იარაღი და საბრძოლო ტექკიკა მიაწოდოს (31%)

რუსეთ-უკრაინის ომთან დაკავშირებით პარტიების და პოლიტიკოსების ბოლოდროინდელ მოქმედებებს გამოკითხულები შემდეგნაირად აფასებენ:

დასკვნის სახით, CRRC აღნიშნავს:

  • მოსახლეობის დიდი უმრავლესობის აზრით, უკრაინაში ომი რუსეთის და
    ვლადიმერ პუტინის პასუხისმგებლობაა
  •  მოსახლეობას უნდა, საქართველოს მთავრობამ გაზარდოს მხარდაჭერა
    უკრაინის მიმართ
  • მოსახლეობის უმრავლესობა მხარს უჭერს უკრაინის მიმართ მხარდაჭერის ყველა ფორმას, რაც გამოკითხვაში იყო დასახელებული
  • საქართველოს მოსახლეობა კვლავაც მხარს უჭერს ქვეყნის ევროატლანტიკურ მომავალს
  • მოსახლეობა მხარს უჭერს პრეზიდენტ ზურაბიშვილის მოქმედებებს უკრაინის ომთან დაკავშირებით
  • მოსახლეობა ნაკლებად უჭერს მხარს პრემიერმინისტრ ღარიბაშვილის
    მოქმედებებს უკრაინის ომთან დაკავშირებით

საზოგადოებრივი აზრის კვლევა სატელეფონო გამოკითხვის მეთოდით, 2022 წლის 7-10 მარტს ჩადარდა. როგორც ორგანიზაციაში აღნიშნავენ, ცდომილება 2.96 პროცენტია.

 

ავიაბილეთები იაფად
იტვირთბა....

სხვა ამბები

🎥VIDEO: ამ წუთებში მოსკოვში ხანძარია

თბილისი პრაიდის კვირეულის დაწყების აღსანიშნავად, ორგანიზატორებმა ტორტი გაჭრეს

ბულგარეთმა რუსეთის საელჩოს 70 თანამშრომელს ქვეყნის დატოვება მოსთხოვა

“ოთხი მანქანა დამყვება ქუთაისი-ბათუმის ტრასაზე” – დეკანოიძე ფარულ თვალთვალზე

“პუტინს მძიმე დაავადება აქვს და ის იმაზე სერიოზულია, რაზეც თქვენ საუბრობთ” – ზელენსკი

შოკისმომგვრელი კადრები – რუსეთს ტორნადომ შეუტია (ვიდეო)