aviabiletebi
ახალი ამბები მთავარი პოლიტიკა

საქართველოს საელჩო უკრაინაში მყოფ მოქალაქეებს მიმართავს

aviabiletebi
ავიაბილეთები

უკრაინაში საქართველოს საელჩო უკრაინაში მყოფი საქართველოს მოქალაქეების საყურადღებოდ განცხადებას ავრცელებს და მიმართავს, დაემორჩილონ უკრაინის ხელისუფლების რეკომენდაციებს და თვალი მიადევნონ საქართველოს საელჩოების, საკონსულო დაწესებულებების და უკრაინის ხელისუფლების ორგანოების ოფიციალურ ვებ-გვერდებს.

ამასთან, საელჩო ჩვენი ქვეყნის მოქალაქეებს აფრთხილებს, რომ სასაზღვრო-გამშვები პუნქტები უკიდურესად არის გადატვირთული და საზღვრის კვეთისთვის მათ შესაძლოა, რამდენიმე ათეული საათი დასჭირდეთ.

“კიდევ ერთხელ, მოგმართავთ თხოვნით, რომ მაქსიმალურად დავემორჩილოთ უკრაინის ხელისუფლების რეკომენდაციებს, მათ შორის იყოთ სახლში, მაქსიმალურად შეიკავოთ თავი ქუჩაში გადაადგილებისგან და განგაშის გამოცხადების შემთხვევაში, სასწრაფოდ გაემართოთ უახლოესი თავშესაფრისკენ, მაქსიმალურად დაიცვათ უსაფრთხოების ყველა წესი.

გაითვალისწინეთ კომენდანტის საათის რეგულაციები თქვენი ადგილსამყოფელი ქალაქის/ოლქის ადმინისტრაციის მიერ დადგენილი წესების შესაბამისად და მუდმივად იქონიოთ თან პირადობის დამადასტურებელი დოკუმენტები.

ქალაქებს შორის გადაადგილებისას, გთხოვთ გამოიჩინოთ მაქსიმალური სიფრთხილე და გაითვალისწინოთ, რომ შესაძლოა მოგიწიოთ შემოვლითი გზებით სარგებლობა, ასევე იქონიეთ მხედველობაში, რომ მოძრაობა გზებზე არის გადატვირთული, რაც საგრძნობლად ზრდის მგზავრობის სავარაუდო დროსა. სევე, გასათვალისწინებელია, რომ უკიდურესად არის გადატვირთული სასაზღვრო-გამშვები პუნქტები და საზღვრის კვეთისთვის შესაძლოა დაგჭირდეთ რამდენიმე ათეული საათი.

გთხოვთ, ყურადღებით მიადევნეთ თვალი საქართველოს საგარეო საქმეთა სამინისტროს, საქართველოს საელჩოების და საკონსულო დაწესებულებების და უკრაინის ხელისუფლების ორგანოების ოფიციალურ ვებ-გვერდებს”, – წერია საელჩოს განცხადებაში.

იტვირთბა....