ვლადიმერ პუტინის პრეს-სპიკერის, დიმიტრი პესკოვის განცხადებით, რუსეთის დელეგაცია ბელარუსში უკრაინასთან მოსალაპარაკებლად ჩავიდა. მისი თქმით, დელეგაციის შემადგენლობაში საგარეო საქმეთა, თავდაცვის მინისტრების, პრეზიდენტის ადმინისტრაციისა და სხვა უწყებების წარმომადგენლები შედიან. “მზად ვართ, ქალაქ გომელში დავიწყოთ ეს მოლაპარაკებები”, – აცხადებს პესკოვი. აღსანიშნავია, რომ დღეს გამართულ ბრიფინგზა უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინული მხარე მზადაა მოლაპარაკებების დაწყებისთვის, თუმცა, ერთი პირობით – “მოსალაპარაკებლად ნებისმიერ ადგილას ჩავალთ, ოღონდ, არა მინსკში”, – აღნიშნა მან.