“ეშმაკი ჩამისახლდა” – ავსტრალიელი ქალის მკვლელობაში ბრალდებულმა დანაშუალი აღიარა

ავ­სტრა­ლი­ის მო­ქა­ლა­ქის, შა­ნაი ბრუ­კის მკვლელობაში ბრალდებულმა რა­ფა­ელ მურ­სა­კუ­ლოვ­მა დღეს გამართულ სასამართლო სხდომაზე დანაშაული აღიარა და ბოდიში მოიხადა.

“ბო­დი­ში, ეს არ იყო და­გეგ­მი­ლი, ასე მოხ­და, გულ­წრფე­ლად ბო­დიშს ვიხ­დი, არ ვიცი რა მოხ­და, რო­გორ მოხ­და, ყვე­ლას ბო­დიშს გიხ­დით. რაღაც ეშმაკი ჩამისახლდა და ჩემი თავი ვერ გავაჩერე. მომისაჯეთ რისი ღირსიც ვარ, რაც არ უნდა გა­მო­ი­ტა­ნოთ გა­ნა­ჩე­ნი, ხმას არ ამო­ვი­ღებ, არ გა­ვა­სა­ჩივ­რებ, ბო­ლომ­დე დავ­დგე­ბი”, – მიმართა მურ­სა­კუ­ლოვ­მა მოსამართლეს.

ახალგაზრდა ქალი, რომელიც საქართველოში პედაგოგად მუშაობდა, 30 ივლისს, მთაწმინდის პარკის მიმდებარე ტერიტორიაზე გაუჩინარდა. მისი ცხედარი 31 ივლისს იპოვეს.

მურსაკულოვს ბრალდება საქართველოს სისხლის სამართლის კოდექსის 179-ე მუხლის პირველი ნაწილით (ყაჩაღობა, ესე იგი თავდასხმა სხვისი მოძრავი ნივთის მართლსაწინააღმდეგო მისაკუთრების მიზნით, ჩადენილი სიცოცხლისათვის ან ჯანმრთელობისათვის საშიში ძალადობით ანდა ასეთი ძალადობის გამოყენების მუქარით), 109-ე მუხლის პირველი ნაწილის ,,გ“ და მესამე ნაწილის ,,გ“ ქვეპუნქტებით (განზრახ მკვლელობა, ჩადენილი სხვა დანაშაულის დაფარვის და მისი ჩადენის გაადვილების მიზნით; ანგარებით) წარედგინა.

დანაშაული 16 წლიდან 20 წლამდე ან უვადო თავისუფლების აღკვეთას ითვალისწინებს.