რუსეთის საგარეო საქმეთა მინისტრმა, სერგეი ლავროვმა უკრაინის საკითხზე ბრიტანეთის საგარეო უწყების ხელმძღვანელთან მოლაპარაკებას “მუნჯების საუბარი ყრუსთან” უწოდა.
აღნიშნულის შესახებ ინფორმაციას, რუსული მედია ავრცელებს.
რუსეთის საგარეო საქმეთა სამინისტროს ხელმძღვანელის თქმით, იქმნება განცდა, რომ ბრიტანელმა კოლეგებმა ან არ იციან, ან მთლიანად უგულებელყოფენ რუსული მხარის დეტალურ განმარტებებს უკრაინის საკითხზე.
ცნობისთვის, ბრიტანელმა კოლეგამ განაცხადა, რომ თუ რუსეთი უკრაინაში შეიჭრება, უკრაინელი ხალხი იბრძოლებს და ეს იქნება ხანგრძლივი კონფლიქტი.
“გაერთიანებული სამეფო და მისი მოკავშირეები დააწესებენ მძიმე სანქციებს, რომელთა სამიზნე იქნება ინდივიდები და ინსტიტუციები. აშშ-მ მკაფიოდ თქვა, რომ ჩრდილოეთის ნაკადი 2 არ გაგრძელდება”, – აცხადებს ბრიტანელი პოლიტიკოსი.