იმუნიზაციის საბჭოს წევრის, ივანე ჩხაიძის განცხადებით, ომიკრონის გავრცელების პირობებში, მოქალაქეებმა განსაკუთრებული ყურადღება უნდა გაამახვილონ ისეთი რეგულაციის დაცვაზე, როგორიცაა პირბადის ტარება.
“ორი ქირურგიული ნიღაბი ალბათ ოპტიმალური გადაწყვეტილება იქნება ისევე, როგორც რესპირატორის – N95-ის ნიღბის გამოყენება, რომელსაც ცოტათი უფრო მაღალი დაცვის შესაძლებლობა აქვს კორონავირუსის ომიკრონ ვარიანტის შემთხვევაში. ასევე, მარტივი რეკომენდაციაა, რომელიც ჩვენთან, სამწუხაროდ არ სრულდება იოლად, თავიდან ავიცილოთ თავშეყრა. ომიკრონის შემთხვევაში, უნიღბოდ ყოფნის 2-3 წუთიც საკმარისია ინფიცირებისთვის”, – განუცხადა ჩხაიძემ “პირველ არხს” და იმუნიზაციის, განსაკუთრებით ბუსტერ დოზის გაკეთების აუცილებლობას გაუსვა ხაზი.