ტელეკომპანია პირველის ტელეწამყვანის, ნოდარ მელაძის განცხადებით, “ქართული ოცნების” ერთ-ერთმა დეპუტატმა გადაცემა “ნოდარ მელაძის შაბათის” ჟურნალისტს შანტაჟის შემცველი მესიჯი გაუგზავნა. მელაძის თქმით, ამ დეპუტატის ვინაობას შაბათს, თავის გადაცემაში გაასაჯაროვებს.
“ქართული ოცნების ერთ-ერთი მოქმედი დეპუტატი, ერთ-ერთი ლიდერი, შაბათის ეთერის გამომძიებელ ჟურნალისტს აშანტაჟებს – ის ულოცავს ახალ წელს და უსურვებს, რომ მალე გათავისუფლდეს ტელეკომპენია პირველისაგან. ის იქვე აყოლებს, რომ თურმე, მან მოიპოვა ჩემი და ინგა გრიგოლიას ჩანაწერები გარკვეულ პოლიტიკოსებზე.
პარლამენტის დეპუტატი ვარ, კანონით არ ვარ ვალდებული, წყარო დავასახელოო, შემდეგ წერს, ახალ წელს გისურვებ შენი და შენი უფროსების გაფარჩაკებასო. ცოტ-ცოტას გავასაჯაროვებ ამ ჩანაწერებს, ხომ დაგპირდი, შემდეგი ჩემი სხვალ იქნებაო – ქართული ოცნების დეპუტატის მესიჯი არის ეს”, – განაცხადა მელაძემ ტელეკომპანია პირველის ეთერში.