“72 წლის ვხვდები, ჩემს ცხოვრებაში ასეთი რაღაცა არ მომსვლია, გაუგებრობაში დავდივარ სამი წელია. მეც მრცხვენია, კაცო. ფულის გათეთრება… ხალხს ჰგონია, რომ ფული გავათეთრე, გავიყავი და მესამედი მე შემხვდა. ჯერ ერთი, თუ ფულს გავათეთრებდი, მესამედი რატომ შემხვდებოდა? ტელევიზიები, ჩემი ტელევიზია იქნება თუ სხვა ტელევიზიები, სულ იძახიან — ფულის გათეთრება, ფულის გათეთრება, ავთანდილ წერეთელი, მამუკა ხაზარაძე, ბადი ჯაფარიძეო… ჩემი შვილიშვილი მოდის და ფულს მთხოვს, მომეცი ფული უნდა გავათეთრო ბაბუო”.
ამის შესახებ ავთანდილ წერეთელმა სასამართლო სხდომაზე განაცხადა, სადაც მან, მამუკა ხაზარაძემ და ბადრი ჯაფარიძემ, რომლებიც ე.წ. ფულის გათეთრების საქმეში არიან ბრალდებულები, საბოლოო სიტყვა წარმოთქვეს. საქმეზე განაჩენი ხვალ გახდება ცნობილი.