ნაციონალური მოძრაობის წევრის, რომან გოცირიძის განცხადებით, შერიგება არის პროცესი, რომლის დაწყება მიხეილ სააკაშვილის გათავისუფლების გარეშე შეუძლებელია.
მისი თქმით, სალომე ზურაბიშვილმა ოპოზიციური პარტიები არა საქმიან მიღებაზე, არამედ საახალწლო ტაშ-ფანდურზე მიიწვია.
“ეს არ არის ოფიციალური, საქმიანი მიღება, ეს არის პატარა დისკოტეკა. ჯერ რეალური, საქმიანი ფორმატი და შემდეგ საახალწლო ტაშ-ფანდური. შერიგება არის პროცესი, რომლის დაწყება შეუძლებელია მიხეილ სააკაშვილის გათავისუფლების გარეშე. კონსტიტუციური უფლება მას იმიტომ მიანიჭა ხალხმა, რომ გამოიყენოს მაშინ, როდესაც ქვეყანას უჭირს ყველაზე მეტად”, – განაცხადა გოცირიძემ.
შეგახსენებთ, რომ საქართველოს პრეზიდენტმა, სალომე ზურაბიშვილმა ოპოზიციის წევრები ორბელიანის სასახლეში საახალწლო მიღებაზე მიიწვია.