დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ბუსტერ დოზა კეთდება მეორე აცრიდან 6 თვის შემდეგ, ყველა ვაქცინაზე.
მისივე თქმით, ბუსტერ დოზა უფრო ხანგრძლივად მუშაობს 10-12 თვის განმავლობაში.
“დღევანდელი მონაცემებით, 8 ათასამდე ბუსტერია ქვეყანაში გაკეთებული. ესენი კეთდება მეორე აცრიდან 6 თვის შემდეგ, ყველა ვაქცინაზე. არ აქვს მნიშვნელობა სინოფარმით იყავი აცრილი, სინოვაკით თუ ფაიზერით. სასურველია, რომ აიცრან 6 თვის შემდეგ.
მე თვითონ ორჯერ ვიყავი აცრილი და ერთი კვირის წინ გავიკეთე ბუსტერი და მოგიწოდებთ ყველას, გაიკეთოთ. როგორც ჩანს, ყველანაირი კვლევებით, ვაქცინა მუშაობს ექვსი-რვა თვის განმავლობაში და სასურველია, ადამიანი აცრილი იყოს მესამე დოზით. მესამე დოზა, როგორც კვლევები აჩვენებს, უფრო ხანგრძლივად მუშაობს, სადღაც 10-12 თვის განმავლობაში”, – განაცხადა გამყრელიძემ.