პარლამენტის თავჯდომარის კახა კუჭავას განცხადებით, მან არჩევანი ქართულ ოცნებაზე კერძოდ კახა კალაძეზე გააკათება.
ამის შესახებ მან საარჩევნო უბანზე, ხმის მიცემის შემდეგ ჟურნალისტებთან განაცხადა.
მან საკუთარი არჩევანი 76-ე საარჩევნო უბანზე დააფიქსირა. კახა კუჭავა პირველი ამომრჩეველი იყო, რომელმაც ამ უბანზე ხმა მისცა.
“ტრადიციულად მოვედი ჩემს საარჩევნო უბანზე. ვცდილობ ხოლმე მოვიდე პირველი და დღესაც ვიყავი პირველი. რა თქმა უნდა, არჩევანი გავაკეთე კახა კალაძესა და ქართული ოცნების სასარგებლოდ. ეს არის ის არჩევანი, რომელიც ჩემი აზრით, უნდა გააკეთოს ყველამ, რადგან გაგვაჩნია პროგრამა და ხედვა. ჩვენი ქალაქის და ქვეყნის განვითარება, ძლიერი რეგიონები არის ის დაპირება, რომელიც გავეცით წინასაარჩევნოდ და დარწმუნებული ვარ, ვიამაყებთ ჩვენი შედეგით,“ – განაცხადა კუჭავამ.
შეგახსენებთ, საქართველოში ადგილობრივი თვითმმართველობის არჩევნები მიმდინარეობს. ამომრჩევლები 64 მერს და ასევე, 64 საკრებულოს 2 068 წევრს (როგორც პროპორციული, ისე მაჟორიტარული წესით) ირჩევენ. საარჩევნო უბნები 07:00 საათზე გაიხსნა, ხმის მიცემა კი 08:00 საათზე დაიწყო.